موصل میں وحشیانہ کارروائی، عراق :داعش نے تمام مزارات، مساجد، مقدس مقامات گرادئے

By -
Mideast Iraq 

بغداد(نیوزڈیسک)داعش دہشت گردوں نے موصل اور تلعفر میں تمام مزارات،اہم مساجد اور مقدس مقامات کو مسمار کردیا ہے جبکہ فوج نے عوامی رضاکاروں کی مدد سے دہشت گردوں کو بھاری نقصان پہنچایا ہے اور کئی علاقے آزاد کرالئے ہیں
،
تفصیلات کے مطابق داعش کے دہشت گردوں نے اپنے مکرو ہ عزائم آشکار کرتے ہوئے انبیائے الہیٰ اور صحابہؓ کے مقبروں کو مسمار کر دیا ہے،دہشت گردوں نے روضہ حضرت یونس ؑ ، مقبرہ ابن اثیرؓ، مرقد سعد بن عقیلؓ، مرقد خضر الیاسؓ اورحضرت عمر بن خطابؓ کے پوتے عبد اللہ بن عاصمؓ کی قبر کو مسمار کردیا ہے ،جبکہ جامع مسجد، حسینیہ امام حسن عسکریؑ ، مسجد امام حکیمؓ، مسجد اہلبیت ؑ کو بھی بلڈوزروں اور بھاری مشینری کی مدد سے گرادیا ہے، دہشت گردوں نے انبیا کے مزاروں اور مسجدوں کو مسمار کرنے کے بعد ان میں لگی قیمتی چیزوں کو چرا لیا ہے،

اس سے پہلے دہشت گردوں نے تلعفر میں تمام مساجد اور امام بارگاہوں کو شہید کردیا تھا، صوبہ صلاح الدین میں فضائیہ کے طیاروں کی بمباری میں سینکڑوں دہشت گرد ہلاک ہوگئے ہیں جن میں ان کا ایک کمانڈر بھی شامل ہے ، حکومت نے دہشت گردوں کا مقابلہ کرنے کے لئے چار ایمرجنسی گروہ تشکیل دے دیئے ہیں جن میں زیادہ تعداد قبائلی نوجوانوں کی،فوج نے سو کے قریب دہشت گردوں کو اس وقت ہلاک کیاجب وہ آئل ریفانریز پر حملہ کرنے کی منصوبہ بندی کررہے تھے،

 انسداد دہشت گردی کی فورسز نے صوبہ دیالہ کے علاقے منصوریہ کو پوری طرح آزاد کرالیا ہے،علاقے میں موجود دسیوں دہشت گرد مارے گئے ، جنگی ہیلی کاپٹروں اور بغیر پائلیٹ طیاروں نے تکریت ، صوبہ صلاح الدین کے مضافات میں داعشی دہشت گردوں کے ٹھکانوں پرحملہ کیا ،ادھر فلوجہ میں بھی انسداد دہشت گردی دستے نے کم سے کم پچیس دہشت گردوں کو ہلاک کردیا ، فوجی ہیلی کاپٹروں نے بیجی کے الزویہ گاؤں میں پل کے قریب داعش کے قافلے پر حملہ کرکے بہت سے دہشت گردوں کو ہلاک کردیا، فوج نے الرطبہ کے مشرق میں ایک بین الاقوامی شاہراہ کا کنٹرول پوری طرح سنبھال لیا اور اس علاقے سے دہشت گردوں کا صفایا کردیا،

 فوجی ترجمان میجر قاسم عطا نے بغداد میں صحافیوں کو بتایا کہ فوج دہشت گردوں کے ٹھکانوں کا پتہ لگا کر ان کو تباہ کررہی ہے اور فوج نے عراق کے صوبے صلاح الدین میں بیجی کی آئل ریفائری پر قبضے کے لئے دہشتگردوں کی کوشش کو ناکام بنادیا ہے۔






Comments

Post a Comment

Popular posts from this blog

گجرات کے سیلاب میں سات شیر ہلاک

By -
Image
بھارت کی مغربی ریاست گجرات میں سیلاب کی وجہ سے جہاں انسانوں کا جانی نقصان ہوا وہیں جانور بھی اس سے متاثر ہوئے ہیں۔ بھارتی اخبار دا ہندوستان ٹائمز نے حکام کے حوالے سے خبر دی ہے کہ ایشیاٹک نسل کے کم از کم سات شیر اس سیلاب کی وجہ سے ہلاک ہو گئے ہیں جبکہ امریلی بھاونگر اور گیر کے اضلاع میں ایک درجن سے زیادہ شیر لاپتہ ہیں۔ خبر رساں ادارے اے ایف پی کے مطابق سیلاب سے مختلف اقسام کے کم از کم پانچ ہزار جانور ہلاک ہو گئے ہیں۔ بارش کے پانی میں کمی کے بعد محکمۂ جنگلات کے اہلکاروں کو سات شیروں کی لاشیں ملیں جن میں ایک تین ماہ کے شیر کے بچے کی بھی لاش تھی۔ خیال رہے کہ گجرات میں گیر کے جنگل ایشیاٹک نسل کے شیروں کی سب سے بڑی پناہ گاہ ہے اور حال میں کی جانے والے شیروں کی گنتی میں ان کی تعداد میں ریکارڈ اضافہ درج کیا گیا تھا۔   جنگلی حیات کے چیف کنزرویٹر ڈی سی پنت نے بتایا ’محکمۂ جنگلات کے حکام اور گارڈز نے جنگل کو چھان مارا ہے تاہم بعض علاقوں میں ابھی تک رسائی حاصل نہیں ہو سکی ہے کیونکہ سلاب میں سڑکیں بہہ گئی ہیں۔ ‘ مقامی باشندوں کے حوالے سے اخبار کا کہنا ہے تین شیر بدھ کو ...
Read more

کیا آپ کو لفظ "گوگل "کا مطلب معلوم ہے ؟

By -
Image
کیا آپ کو لفظ "گوگل "کا مطلب معلوم ہے ؟ لاہور (نیوز ڈیسک ) دنیا کے ہر ملک میں رہنے والے اور ہر زبان بولنے والے انسان ایک لفظ سے خوب واقف ہیں او روہ لفظ ہے ”گوگل“۔ مشہور و معروف کمپنی اور دنیا کے سب سے بڑے اور کامیاب سرچ انجن گوگل ( Google ) کے نام سے تو سب واقف ہیں لیکن کیا آپ جانتے ہیں کہ اس کا مطلب کیا ہے؟ دراصل لفظ Google ایک ریاضیاتی اصطلاح Googol سے بنایا گیا ہے۔ لفظ Googol ایک ننھے بچے کی ایجاد ہے جو مشہور ریاضی دان ایڈورڈ کاسنر کا بھتیجا تھا۔ ایڈورڈ یہ سوچ رہے تھے کہ اگر 1 کے بعد 100 صفر ہوں تو اس نمبر کا نام کیا ہونا چاہیے اور اس دوران ان کے کان میں ننھے بچے کی آواز پڑی جو ”گوگول“ سے ملتی جلتی تھی اور یوں انہوں نے اس نمبر کا نام گوگل ( Googol ) رکھا دیا۔ انٹرنیٹ کمپنی گوگل نے اس میں تھوڑی سی تبدیلی کرکے اسے Google بنا لیا اور یہ نام اس حقیقت کی طرف اشارہ ہے کہ یہ کمپنی کروڑوں اربوں کی تعداد میں معلومات انتہائی مربوط طریقے سے صارفین کو فراہم کرتی ہے۔  آپ یہ تو جانتے ہیں کہ ایک ہزار یا ایک لاکھ کیسے لکھتے ہیں لیکن ایک گوگل کو کیسے لکھیں گے، یہ کچھ ...
Read more

کیا آپ جانتے ہیں کہ قائد اعظم کے بیٹی دینا واڈیا اور پریٹی زنٹا کے درمیان کیا رشتہ ہے ؟ حیران کر دینے والی خبر آگئی

By -
Image
اسلام آباد (مانیٹرنگ ڈیسک)ناموربالی ووڈ اداکارہ پریتی زنٹا نےبانی پاکستان قائد اعظم محمد علی جناح کی بیٹی دینا واڈیا کے انتقال پر اظہارافسوس کیا ہے۔گزشتہ روز قائد اعظم کی صاحبزادی دینا واڈیا 98 برس کی عمر میں نیویارک میں واقع اپنے گھر میں انتقال کرگئی تھیں۔ دینا واڈیا کےانتقال پر نامور بالی ووڈ اداکارہ پریتی زنٹا نے ٹوئٹر پرتعزیت کرتے ہوئے لکھا کہ انہیں دینا واڈیا کے دنیا سے جانے پر بے انتہا افسوس ہے۔میں دینا واڈیا سے ملاقات کرنے پر خود کوخوش قسمت سمجھتی ہوں، وہ بہت اچھی خاتون تھیں۔واضح رہے کہ اداکارہ پریتی زنٹا دینا واڈیا سے کئی بار مل چکی تھیں۔ اداکارہ کا دینا واڈیا سے متعلق اپنے تاثرات بیان کرتے ہوئے کہنا تھا کہ دینا بہت اچھی خاتون تھیں اور تاریخ سے متعلق انہیں بہت زیادہ معلومات تھی۔ دینا اوران کے والد محمد علی جناح میں بے تحاشہ مماثلت تھی میں نےاس سے پہلے دولوگوں میں اتنی زیادہ مماثلت کبھی نہیں دیکھی۔اداکارہ نے کہا کہ جب میں آخری بار دینا واڈیا سے ملی تو وہ مجھ سے آئی پی ایل میچ سے متعلق جاننا چاہتی تھیں، وہ میری زندگی میں بہت زیادہ دلچسپی لیتی تھیں اور مجھے بھی ان ...
Read more