جمہوری تسلسل ملک کو مسائل سے نکالنے کا واحد راستہ ہے:وزیراعظم

By -


نواز شریف نے کہا کہ انقلاب اور لانگ مارچ کا مقصد ملکی ترقی کے عمل کو سبوتاژ کرنا ہے۔ 
 

وزیراعظم محمد نواز شریف نے کہا ہے کہ پوری قوم جمہوریت اور آئین کی بالادستی پر یقین رکھتی ہے
وہ پیر کے روز اسلام آباد میں طویل مدتی ترقیاتی پروگرام ویژن2025 کے آغاز کے حوالے سے خصوصی تقریب سے خطاب کر رہے تھے۔
وزیراعظم نے کہا کہ جمہوری نظام کا تسلسل ملک کودرپیش تمام چیلنجوں سے نکالنے کا واحد راستہ ہے اور حکومت کی تبدیلی کاکوئی بھی فیصلہ عوام کے ووٹ کے ذریعے ہی ہوسکتاہے ۔
نواز شریف نے کہا کہ قوم آج ملک میں امن کیلئے متحد ہے اور کوئی بھی طاہر القادری کے انقلاب کی حمایت نہیں کر رہا۔
انہوں نے کہا کہ انقلاب اور لانگ مارچ کے پیچھے کوئی منطق نہیں ہے کیونکہ اس طرح کی سرگرمیوں سے ملکی ترقی کا عمل سبوتاژ ہوتا ہے ۔
وزیراعظم نے وعدہ کیا کہ ان کی حکومت ملک میں توانائی کے بحران پر قابو پا لے گی اوراس سلسلے میں داسو پن بجلی منصوبے سمیت توانائی کے مختلف منصوبوں پر کام جاری ہے۔
دہشت گردوں کے خلاف جاری کارروائی کے حوالے سے نوازشریف نے کہا کہ فوجی کارروائی سے صورتحال کو بہتر بنانے اور دہشت گردوں کا مکمل خاتمہ کرنے میں بڑی مدد ملی ہے۔
وزیرخزانہ اسحق ڈار نے گزشتہ ایک سال کی اقتصادی کارکردگی کا ذکر کرتے ہوئے کہا کہ حکومت کی موثر اور دانشمندانہ پالیسیوں کے باعث اب ملک دیوالیہ ہونے کے خطرے سے باہر نکل آیاہے ۔
اُنہوں نے کہا زراعت سمیت معشیت کے تمام شعبوں کو یکساں اہمیت دی جارہی ہے ۔
موجودہ مالیاتی بجٹ میں کسانوں کو قرضوں کی فراہمی کیلئے پانچ سو ارب روپے مختص کئے گئے ہیں جس کے علاوہ کسانوں کو کھادکی خریداری پر اعانت دی جائے گی ۔
اسحق ڈار نے کہا کہ ملک میں خونی انقلاب کی ضرورت نہیں بلکہ صرف اقتصادی انقلاب کی ضرورت ہے جس کی بنیاد موجودہ حکومت نے رکھ دی ہے ۔ اُنہوں نے کہا کہ مسلم لیگ نون کی حکومت نے ماضی میں بھی اقتصادی انقلاب لانے کی کوشش کی لیکن اس کا راستہ روک دیاگیا۔
تقریب سے خطاب کرتے ہوئے منصوبہ بندی اور ترقی کے وزیر احسن اقبال نے کہا کہ ویژن2025 پروگرام کے تحت 2025 تک ملک کی سالانہ برآمدات پچیس ارب ڈالر سے بڑھ کر ایک سو پچاس ارب ڈالر ہو جائیں گی۔
اس سے پہلے وزیراعظم نے ویژن 2025 پروگرام کے تحت مختلف منصوبوں کا افتتاح کیا جن میں دس ارب روپے مالیت کے انسانی ترقی اور بہبود کا قومی فنڈ ، پانچ ارب روپے کا ٹیکنالوجی کی ترقی کا فنڈ اور ایک ارب روپے کی مالیت کی سائنسی خطوط پر فارمنگ کی سکیم شامل ہے ۔

Comments

Post a Comment

Popular posts from this blog

گجرات کے سیلاب میں سات شیر ہلاک

By -
Image
بھارت کی مغربی ریاست گجرات میں سیلاب کی وجہ سے جہاں انسانوں کا جانی نقصان ہوا وہیں جانور بھی اس سے متاثر ہوئے ہیں۔ بھارتی اخبار دا ہندوستان ٹائمز نے حکام کے حوالے سے خبر دی ہے کہ ایشیاٹک نسل کے کم از کم سات شیر اس سیلاب کی وجہ سے ہلاک ہو گئے ہیں جبکہ امریلی بھاونگر اور گیر کے اضلاع میں ایک درجن سے زیادہ شیر لاپتہ ہیں۔ خبر رساں ادارے اے ایف پی کے مطابق سیلاب سے مختلف اقسام کے کم از کم پانچ ہزار جانور ہلاک ہو گئے ہیں۔ بارش کے پانی میں کمی کے بعد محکمۂ جنگلات کے اہلکاروں کو سات شیروں کی لاشیں ملیں جن میں ایک تین ماہ کے شیر کے بچے کی بھی لاش تھی۔ خیال رہے کہ گجرات میں گیر کے جنگل ایشیاٹک نسل کے شیروں کی سب سے بڑی پناہ گاہ ہے اور حال میں کی جانے والے شیروں کی گنتی میں ان کی تعداد میں ریکارڈ اضافہ درج کیا گیا تھا۔   جنگلی حیات کے چیف کنزرویٹر ڈی سی پنت نے بتایا ’محکمۂ جنگلات کے حکام اور گارڈز نے جنگل کو چھان مارا ہے تاہم بعض علاقوں میں ابھی تک رسائی حاصل نہیں ہو سکی ہے کیونکہ سلاب میں سڑکیں بہہ گئی ہیں۔ ‘ مقامی باشندوں کے حوالے سے اخبار کا کہنا ہے تین شیر بدھ کو ...
Read more

کیا آپ کو لفظ "گوگل "کا مطلب معلوم ہے ؟

By -
Image
کیا آپ کو لفظ "گوگل "کا مطلب معلوم ہے ؟ لاہور (نیوز ڈیسک ) دنیا کے ہر ملک میں رہنے والے اور ہر زبان بولنے والے انسان ایک لفظ سے خوب واقف ہیں او روہ لفظ ہے ”گوگل“۔ مشہور و معروف کمپنی اور دنیا کے سب سے بڑے اور کامیاب سرچ انجن گوگل ( Google ) کے نام سے تو سب واقف ہیں لیکن کیا آپ جانتے ہیں کہ اس کا مطلب کیا ہے؟ دراصل لفظ Google ایک ریاضیاتی اصطلاح Googol سے بنایا گیا ہے۔ لفظ Googol ایک ننھے بچے کی ایجاد ہے جو مشہور ریاضی دان ایڈورڈ کاسنر کا بھتیجا تھا۔ ایڈورڈ یہ سوچ رہے تھے کہ اگر 1 کے بعد 100 صفر ہوں تو اس نمبر کا نام کیا ہونا چاہیے اور اس دوران ان کے کان میں ننھے بچے کی آواز پڑی جو ”گوگول“ سے ملتی جلتی تھی اور یوں انہوں نے اس نمبر کا نام گوگل ( Googol ) رکھا دیا۔ انٹرنیٹ کمپنی گوگل نے اس میں تھوڑی سی تبدیلی کرکے اسے Google بنا لیا اور یہ نام اس حقیقت کی طرف اشارہ ہے کہ یہ کمپنی کروڑوں اربوں کی تعداد میں معلومات انتہائی مربوط طریقے سے صارفین کو فراہم کرتی ہے۔  آپ یہ تو جانتے ہیں کہ ایک ہزار یا ایک لاکھ کیسے لکھتے ہیں لیکن ایک گوگل کو کیسے لکھیں گے، یہ کچھ ...
Read more

کیا آپ جانتے ہیں کہ قائد اعظم کے بیٹی دینا واڈیا اور پریٹی زنٹا کے درمیان کیا رشتہ ہے ؟ حیران کر دینے والی خبر آگئی

By -
Image
اسلام آباد (مانیٹرنگ ڈیسک)ناموربالی ووڈ اداکارہ پریتی زنٹا نےبانی پاکستان قائد اعظم محمد علی جناح کی بیٹی دینا واڈیا کے انتقال پر اظہارافسوس کیا ہے۔گزشتہ روز قائد اعظم کی صاحبزادی دینا واڈیا 98 برس کی عمر میں نیویارک میں واقع اپنے گھر میں انتقال کرگئی تھیں۔ دینا واڈیا کےانتقال پر نامور بالی ووڈ اداکارہ پریتی زنٹا نے ٹوئٹر پرتعزیت کرتے ہوئے لکھا کہ انہیں دینا واڈیا کے دنیا سے جانے پر بے انتہا افسوس ہے۔میں دینا واڈیا سے ملاقات کرنے پر خود کوخوش قسمت سمجھتی ہوں، وہ بہت اچھی خاتون تھیں۔واضح رہے کہ اداکارہ پریتی زنٹا دینا واڈیا سے کئی بار مل چکی تھیں۔ اداکارہ کا دینا واڈیا سے متعلق اپنے تاثرات بیان کرتے ہوئے کہنا تھا کہ دینا بہت اچھی خاتون تھیں اور تاریخ سے متعلق انہیں بہت زیادہ معلومات تھی۔ دینا اوران کے والد محمد علی جناح میں بے تحاشہ مماثلت تھی میں نےاس سے پہلے دولوگوں میں اتنی زیادہ مماثلت کبھی نہیں دیکھی۔اداکارہ نے کہا کہ جب میں آخری بار دینا واڈیا سے ملی تو وہ مجھ سے آئی پی ایل میچ سے متعلق جاننا چاہتی تھیں، وہ میری زندگی میں بہت زیادہ دلچسپی لیتی تھیں اور مجھے بھی ان ...
Read more